Question 1

Hvað er Skrif?

Accepted Answer

Skrif er stafrænn bókari sem aðstoðar bókara, bókhaldsstofur og atvinnurekendur í daglegri bókhaldsvinnu. Í gegnum gervigreindarspjall getur þú m.a. stofnað bókhaldsfærslur, reikninga, kostnað, viðskiptavini, lánardrottna og starfsmenn, hlaðið upp skjölum, flett upp gengi og reglum og fengið svör við spurningum um bókhald og rekstur. Allar aðgerðir krefjast samþykkis þíns áður en þær eru framkvæmdar.

Question 2

Fyrir hvern er Skrif?

Accepted Answer

Skrif er fyrst og fremst hugsað fyrir bókhaldsstofur og bókara sem vilja taka endurtekninguna úr daglegu bókhaldi og þjóna fleiri fyrirtækjum með sama mannafla. Það nýtist líka fyrirtækjum og atvinnurekendum sem halda utan um eigin bókhald og vilja hafa það uppfært og afstemmt alla daga. Skrif hentar best þeim sem hafa grunnþekkingu á bókhaldi eða vinna með fagaðilum.

Question 3

Framkvæmir Skrif aðgerðir sjálfkrafa án samþykkis?

Accepted Answer

Nei. Skrif framkvæmir engar aðgerðir sem hafa áhrif á gögnin þín sjálfkrafa. Allar aðgerðir, svo sem að stofna færslur, reikninga eða viðskiptavini, krefjast samþykkis þíns í gegnum spjallið áður en þær eru framkvæmdar í bókhaldskerfinu þínu. Skrif er hannað til að vera þinn stafræni aðstoðarmaður, en þú hefur alltaf fulla stjórn.

Question 4

Er Skrif bókhaldskerfi?

Accepted Answer

Nei. Skrif er ekki bókhaldskerfi. Skrif vinnur ofan á bókhaldskerfinu þínu og viðkomandi bókhaldskerfi bera ábyrgð á skráningu og varðveislu bókhaldsgagna. Skrif tengist og samstillir gögn en kemur ekki í stað bókhaldskerfisins sjálfs.

Question 5

Hvernig virkar sjálfvirk afstemming?

Accepted Answer

Skrif afstemmir sjálfvirkt bankahreyfingar og kreditkortafærslur við bókhaldsgögn, með aðstoð gervigreindar. Kerfið finnur samsvörun og parar saman færslur. Ef flækjustigið er of hátt eða Skrif er ekki viss um samsvörun getur þú afstemmt handvirkt.

Question 6

Kemur Skrif í stað bókara eða endurskoðanda?

Accepted Answer

Nei. Skrif kemur ekki í stað löggiltra endurskoðenda, bókara eða skattaráðgjafa. Þjónustan hentar best þeim sem hafa grunnþekkingu á bókhaldi eða vinna með fagaðilum. Skrif getur veitt ráðgjöf og tillögur en þú berð alltaf ábyrgð á að yfirfara og staðfesta allar upplýsingar.

Question 7

Hvernig notar Skrif gögnin mín?

Accepted Answer

Við erum með ítarlega lýsingu á gagnanotkun í persónuverndarstefnu okkar.

Question 8

Á hverju byggist verðið?

Accepted Answer

Verðið tekur mið af umfangi reksturs fyrirtækisins. Í fyrirtækjabókhaldi ræðst það af fjölda bankafærslna á ári, en hjá bókhaldsstofum af fjölda innifalinna aðgerða og þeim fyrirtækjum sem stofan sér um. Þannig fylgir verðið umfangi vinnunnar og verðmætunum sem Skrif skapar.

Question 9

Get ég prófað Skrif frítt?

Accepted Answer

Já. Þú færð fullan aðgang að Skrif frítt í 7 daga og þarft ekki að skrá neinar greiðsluupplýsingar. Að prufutímabilinu loknu velur þú hvort þú haldir áfram.

Question 10

Fylgir kostnaður við uppsetningu eða innleiðingu?

Accepted Answer

Nei. Innleiðingaraðstoð er innifalin og teymið okkar hjálpar þér að tengja bankann og bókhaldskerfið og koma þér af stað. Hjá bókhaldsstofum hefst áskriftin ekki fyrr en stofan er komin á skrið. Kerfið býður upp á einfalt viðmót svo þú getur sjálf/ur farið í gegnum uppsetninguna og tengt kerfin þín á nokkrum mínútum, en við erum alltaf til taks ef þú þarft aðstoð.

Question 11

Get ég breytt áskriftarleiðinni eða sagt upp?

Accepted Answer

Já, þú getur breytt áskriftinni þinni eða sagt upp hvenær sem er í stillingum reiknings þíns. Uppfærslur taka gildi strax. Lækkanir og uppsagnir taka gildi í lok yfirstandandi tímabils.

Question 12

Við hvaða kerfi tengist Skrif?

Accepted Answer

Skrif tengist íslensku bönkunum Arion banka, Landsbankanum og Íslandsbanka, ásamt bókhaldskerfunum DK, Microsoft Business Central og Payday. Þú heldur áfram að nota þín kerfi og Skrif vinnur ofan á þeim.

Question 13

Getur Skrif lesið kvittanir og reikninga?

Accepted Answer

Já. Skrif les kvittanir, reikninga og önnur fylgiskjöl með gervigreind, hvort sem um er að ræða PDF-skjöl, ljósmyndir eða handskrifuð skjöl. Þú getur látið Skrif fá heilan bunka af kvittunum sem það les og bókar í einu.

Question 14

Virkar Skrif í símanum?

Accepted Answer

Já. Skrif er hannað til að virka vel í öllum tækjum, hvort sem þú situr við tölvuna eða ert á ferðinni með símann.

Question 15

Eru gögnin mín örugg?

Accepted Answer

Já. Öll samskipti eru dulkóðuð með TLS og gögnin þín eru geymd á öruggum, dulkóðuðum innviðum innan Evrópu. Aðgangur er stýrður eftir hlutverkum innan teymisins, við förum reglulega yfir öryggismál og fylgjum íslenskum persónuverndarlögum.

Question 16

Eru gögnin mín notuð til að þjálfa gervigreind?

Accepted Answer

Nei. Gögnin þín eru ekki notuð til að þjálfa gervigreindarlíkön og við seljum aldrei persónuupplýsingar.

Question 17

Getur Skrif haldið utan um mörg fyrirtæki?

Accepted Answer

Já. Skrif er sérstaklega hugsað fyrir bókhaldsstofur og heldur utan um öll fyrirtækin sem stofan sér um í einu viðmóti. Skrif vinnur með hvert fyrirtæki fyrir sig og einfalt er að skipta á milli þeirra.

Spurningar

Almennt um Skrif

Virkni og eiginleikar

Persónuvernd og öryggi

Áskrift og verð